Astudiaethau Adeiladu
BSc (Anrh) Astudiaethau Adeiladu
Opsiynau Rheolaeth Adeiladaeth neu Reolaeth Cynnal a Chadw
Pam dewis Astudiaethau Adeiladu?
Un o sectorau mwyaf yr economi yw’r diwydiant adeiladaeth. Bydd yna’n wastad alw am godi adeiladau newydd tra bod adeiladau sy’n bodoli’n barod angen gofal a sylw er mwyn cynnal a chadw eu potensial, addasu i ofynion preswyl perchnogion neu ddeddfwriaethol, a chwrdd â meini prawf perfformiad a hyfywedd economaidd. Gan hynny mae ar gadwraeth a rheolaeth ein hamgylchedd adeiledig angen gwybodaeth fanwl a sgiliau arbenigol, nid yn unig mewn technegau adeiladu modern ond hefyd yn y gyfraith, mewn economeg, rheolaeth fusnes a phatholeg diffygion a dirywiad. Elfennau allweddol y cwrs yma yw’r gyfraith, technoleg, economeg a chaffael sgiliau rheolaethol proffesiynol a gwybodaeth fusnes. Bydd y cwrs yn eich helpu hefyd i ddatblygu ystod o sgiliau personol allweddol gan gynnwys sgiliau arwain tîm, dadansoddi ac ymholi, cyflwyno, datrys problemau, arloesi a rheoli prosiect.
Nodweddion arbennig
- Llwybrau dewisol o’r ail flwyddyn. Gallwch ddewis rhwng llwybr mewn Rheolaeth Adeiladaeth, Rheolaeth Cynnal a Chadw Adeiladau neu Astudiaethau Adeiladu.
- Mae grwpiau tiwtorial bychan eu maint yn golygu fod yna lefel uchel o gefnogaeth a sylw gan diwtoriaid.
- Mae’r cwrs yn cynnwys ymroddiad i gynaliadwyedd ym mhob agwedd ar y broses adeiladu a’r cyfle i archwilio dulliau modern o adeiladu a datblygiad cynaliadwy.
- Achredir y cwrs yn llawn gan ddau gorff proffesiynol ac yn darparu mynediad i gymwysterau trosglwyddadwy Ewropeaidd a Statws Siartredig yn y DU.
- Dilyniant llwybrau a mynediadau hyblyg.
- Mynediad uwch i’r rheiny gyda chymwysterau proffesiynol neu academaidd perthnasol.
- Cyfleoedd i fynd ar ymweliadau Ewropeaidd a thramor.
Cyfleoedd gyrfaol
Un o sectorau mwyaf yr economi yw’r diwydiant adeiladaeth. Gan hynny mae’r maes yma yn cynnig ystod o gyfleoedd galwedigaethol ar lefelau lleol, cenedlaethol a rhyngwladol. Mae cyfleoedd gyrfaol yn bodoli o fewn llywodraeth leol a chanolog, cymdeithasau tai, contractio adeiladu, datblygu eiddo ac arfer proffesiynol.
