Awtomatiaeth, Offeryniaeth a Rheolaeth
*
Pam dewis Awtomatiaeth, Offeryniaeth a Rheolaeth?
Mae gradd sylfaen Awtomatiaeth, Offeryniaeth a Rheolaeth Prifysgol Glyndŵr yn gwrs galwedigaethol a gynlluniwyd gyda diwydiant i gwrdd ag angehenion diwydiant. Os ydych yn gobeithio hybu eich rhagolygon gyrfaol yn y maes eang yma o beirianneg, yna mae’r cwrs yma ar eich cyfer chi.
Byddwch yn dysgu technolegau sy’n rhychwantu’r maes, gan ddatblygu’r sgiliau sy’n ofynnol gan beirianwyr/technegwyr cymwysedig sy’n cynnal a chadw, graddnodi, manylu, gosod, cywiro ac atgyweirio systemau.
Mae astudio yn y maes yma yn cynnig dewis, sefydolgrwydd, heriau a rhagolygon ar gyfer hybu eich gyrfa i chi, ac ar gyfer cael cymwysterau pellach.
Nodweddion arbennig
- Bwriad amrediad eang y cwrs yma yw eich gwneud yn gaffaeliad ar gyfer unrhyw ddarpar gyflogwr. Gan gwmpasu modiwlau diwydiannol arbenigol, bydd y cwrs yn eich galluogi i fynd i unrhyw un o’r meysydd sy’n dod dan y teitl Peirianneg Awtomatiaeth, Offeryniaeth a Rheolaeth.
- Byddwch yn gymwys i ymuno a’r Sefydliad Mesur a Rheoli (IMC) neu’r Sefydliad Peirianneg a Thechnoleg (IET) – sef Sefydliad y Peirianwyr Trydanol gynt (IEE) – ac fel aelod myfyriwr.
Cyfleoedd gyrfaol
Gall peiriannydd/technegydd Awtomatiaeth, Offeryniaeth a Rheolaeth ddisgwyl manteision a chyflog uwch na’r cyffredin oherwydd y lefel ofynnol o sgiliau, gwybodaeth a chyfrifoldeb sydd yna. Mae pobl o’r fath, gyda’r cymwysterau priodol yn arbennig, yn brin iawn ar hyn o bryd.
