Gwerthu Tai
Pam dewis Gwerthu Tai?
Mae’r farchnad eiddo yn ddiwydiant anferth, sy’n cynnwys rheoli a gwerthu eiddo ar gyfer dibenion masnachol, diwydiannol, hamdden a thai. Bydd eich astudiaethau yn cynnwys y materion allweddol sy’n gysylltiedig â’r gweithgareddau hyn gan gynnwys buddsoddi, adeiladaeth, economeg gymdeithasol, y gyfraith, gofal cwsmeriaid, gwerthusiadau a chynnal a chadw. Bydd y cwrs yn eich galluogi i ddatblygu eich sgiliau cyflwyno a chyfathrebu, gwaith tîm, datrys problemau, creadigrwydd a dylunio, rhifedd a TG, yn ogystal â’r gallu i reoli amser a phobl.
Nodweddion arbennig
- Mae gan y cwrs gydnabyddiaeth broffesiynol ledled pob gwlad UE ac yn gallu arwain at statws Siartredig yn y DU.
- Achredir y cwrs yn llawn gan y Sefydliad Adeiladu Siartredig (Cyfadran Pensaernïaeth a Thirfesur) ar lefel Gradd Anrhydedd ac ar lefel Diploma gan Gymdeithas Genedlaethol y Gwerthwyr Tai.
- Yn ogystal, mae’r Conseil Européen des Professions Immobilières (CEPI), y corff UE eang, yn cydnabod y radd fel cymhwyster trosglwyddadwy mewnol ac yn gwobrwyo ei dystysgrif ei hun i raddedigion.
- Trafodir materion modern fel cynaliadwyedd, safbwyntiau gwyrdd ac asesu ynni ar y cwrs.
- Mae gan yr aelodau staff gefndiroedd proffesiynol a chysylltiadau â mudiadau rhyngwladol a chyrff proffesiynol yn y DU.
- Mae mynediad uwch ar gael i’r rheiny gyda chymwysterau academaidd neu broffesiynol academaidd.
- Graddfa uchel o lwyddiant; amgylchedd dysgu cyfeillgar a chefnogol; cofnod ragorol o swyddi.
- Cyfleoedd ar gyfer teithiau Ewropeaidd a thramor.
Cyfleoedd gyrfaol
Mae’r rhain yn cynnwys tirfesur, gwerthuso, gwerthu eiddo, rheolaeth breswyl, marchnata eiddo, rheolaeth fasnachol a chaffael a chael gwared ar dir ac eiddo i gleientiaid preifat, busnesau corfforaethol a chwmnïau buddsoddi, banciau, manwerthwyr a diwydianwyr o’r DU, yr UE a Thramor.
Gallech weithio mewn asiantaeth breifat ond mae llawer erbyn hyn yn cael eu cyflogi mewn cyrff mawrion ble mae eiddo yn hanfodol ar gyfer tai, busnes, diwydiant, hamdden ac adloniant.
