Technolegau Ceir Rasio

Pam dewis Technolegau Ceir Rasio?

Mae arbenigedd a chyfleusterau cynyddol Prifysgol Glyndŵr yn y maes yma wedi arwain at y cyflwyniad diweddar i’r gystadleuaeth Fformiwla Myfyrwyr i galon ein cyrsiau. Gyda’r gystadleuaeth yma mae pob myfyriwr/wraig, myfyrwyr yr ail a’r d-rydedd yn arbennig, yn cael  cyfle i ddylunio ac adeiladu car rasio i gystadlu yn erbyn cerbydau o brifysgolion eraill yn y DU ac yn rhyngwladol. I gydfynd â’r profiad yma, mae ein cyrsiau wedi’u cynllunio i’ch helpu i ddatblygu amryw o sgiliau gan gynnwys rheoli prosiect, gweithio mewn tîm ac arwain tîm, rheolaeth busnes, technoleg gwybodaeth a sicrhau ansawdd.

Rhoddir pwyslais penodol ar geir rasio cyflym gan gynnwys peirianneg, electroneg a dylunio; darparu ar gyfer amryw o ddiddordebau a rolau gyrfaol. Mae’r cyrsiau hyn yn edrych ar beirianneg dylunio a datblygu ceir rasio modern yn llawn. Byddwch yn cael dealltwriaeth lawn o strwythurau, systemau, deinameg a chynllun car, yn ogystal â chael cyfle i ddatblygu sgiliau busnes. Mae ceir yr unfed ganrif ar hugain yn dibynnu fwyfwy ar electroneg o fewn eu cynllun. Rydym yn mynd i’r afael â’r galw newydd yn sgil hynny am raddedigion sy’n meddu ar y wybodaeth a’r sgiliau yma trwy fodiwlau sy’n cwmpasu pob agwedd ac yn cyfannu ei gilydd ei gilydd ac anghenion diwydiant.

Mae Tîm Rasio Prifysgol Glyndwr yn dîm sefydledig ac yn rhan annatod o’r cyrsiau i gyd. Mae yna Westfield Megabird ar gael fel llwyfan datblygu prosiect, car lôn diwrnod trac ac un o’r ceir lôn sy’n ysbarduno gyflymaf yn y byd! Erbyn hyn mae’r tîm yn rhedeg ystod o gerbydau rasio cyflym gan gynnwys Van Dieman RF79 Formula Ford 1600s, y Westfield Megabird a cheir Fformiwla Myfyrwyr. Mae yna ystod o gerbydau eraill hefyd, gan gynnwys cerbyd heluol arobryn a cheir rasio disgyrchiant, sy’n cydfynd â’r ceir yma.

Mae’r tîm Formula Ford yn cymryd rhan ym Mhencampwriaeth Formula Ford Gogledd Orllewin  Opal Telecom. Yn nhîm y pydew mae criw o fyfyrwyr ac mae’r tîm wedi ennill eu Dosbarth Pencampwriaeth bob blwyddyn ers 2003/04. Mae dyddiau rasio yn Oulton Park ac Ynys Môn yn ddigwyddiadau cyffrous, sy’n cynnig profiad uniongyrchol i chi o redeg tîm rasio cystadleuol.

Nodweddion arbennig

• Mae gan Brifysgol Glyndŵr gysylltiadau o fewn y sector modurol gan gynnwys cwmnïau fel Jaguar, Toyota, System ST, a Thrac Rasio Môn.
• Ar y cwrs Dylunio a Rheoli Chwaraeon Modur byddwch hefyd yn cael gwneud defnydd o gyfleusterau dylunio amlgyfryngol mewn cydweithrediad ag Ysgol Gelf a Dylunio Gogledd Cymru gan weithio gyda meddalwedd pecyn modelu Lightwave ac Adobe.
• Mae yna gyfleusterau rhagorol gan gynnwys modelau corff cadarn ProEngineer a swît FEA, swît Abaqus FEA, AutoCad, meddalwedd Fluent CFD, labordai electroneg, cell profi peiriannau a chyfleusterau twnnel gwynt. Byddwch hefyd yn defnyddio pecynnau meddalwedd safon diwydiant megis: MATLAB a Simulink, Texas Instruments Code Composer Studio, Analog Devices VisualDSP, Altium Designer, Xilinx ISE, Altera MAX+PLUS II, Microchip MPLAB, a Vector CANanalyser ac yn cael y cyfle i ddatblygu modelau trwy ddefnyddio offer a meddalwedd Rapid Prototyping yn ein gweithdy prosiect.
• Byddwch yn gallu ymgymryd â gwaith electroneg modurol ymarferol ar gar Jaguar X-type o fewn ein gweithdy cerbyd modurol arbenigol wedi’i offeru’n dda.
• Cefnogir gwaith academaidd gan waith ymarferol yn ein gweithdai a’n labordai helaeth. Mae dosbarthiadau bychain yn caniatáu cyngor a chefnogaeth cryf mewn tiwtorialau ac wrth ymgymryd ag arbrofion labordy.
• Byddwch yn cael cyfle i gymryd rhan yn y Fformiwla Myfyrwyr a chystadlu gyda thimau prifysgol eraill o bob cwr o’r byd.
• Byddwch yn cael cyfle i gymryd rhan yn Nhîm Rasio Prifysgol Glyndŵr gan gynnwys tîm rasio  Formula Ford 1600 sy’n eich galluogi i gael profiad o weithio mewn tîm rasio cystadleuol.

Cyfleoedd gyrfaol

Mae’r sector modurol yn cynnig ystod o gyfleoedd gyrfaol cyffrous yn ymwneud â gwneuthurwyr ceir a’u rhwydwaith cyflenwi, ymchwil a datblygu modurol, ymgynghoriaeth, rheolaeth beirianyddol, dylunio modurol a’r diwydiant chwaraeon modurol.

Gwybodaeth am y cwrs