Gwyddoniaeth a Thechnoleg Polymer

MRes Gwyddoniaeth a Thechnoleg Polymer

Mae’r rhaglen MRes yma wedi’i seilio yn y Ganolfan Ymchwil Gwyddor Defnyddiau ac yn darparu gwybodaeth am a dealltwriaeth arbenigol o gemeg ffisegol, prosesu a chymwysiadau diwydiannol systemau macromoleciwlaidd, ynghyd â datblygu sgiliau generig mewn rheolaeth prosiect ymchwil. 

Defnyddir defnyddiau polymerig mewn ystod amrywiol o gynnyrch diwydiannol, defnyddwyr a biomeddygol ac adlewyrchir yr agweddau hyn yn y rhaglen. Mae gwreiddioldeb wrth ddatrys problemau yn cael ei feithrin trwy ystyried nifer o astudiaethau achos diwydiannol, darlithoedd gan siaradwyr diwydiannol a’r opsiwn i ymgymryd â phrosiect ymchwil a noddir gan ddiwydiant.

Mae gan y Ganolfan Ymchwil Gwyddor Defnyddiau gryfderau penodol mewn polysacaridau a hydrocoloidau, prosesu adweithiol a datblygu proses polymereiddio, rheoleg arbrofol a chymwysiadau diwydiannol polymerau toddadwy mewn dŵr. Mae’r agwedd gyffredinol yn un amlddisgyblaethol ac yn cwmpasu meysydd datblygol megis polymerau o adnoddau adnewyddadwy a nanodechnoleg feddal. 

Nodweddion arbennig

• Cyfleoedd cyflogaeth rhagorol yn fyd-eang mewn ystod o sectorau diwydiannol allweddol – gan gynnwys biomeddygol, fferyllol, adnewyddadwy a nanodechnoleg feddal.
• Llawer iawn o ymwneud â diwydiant yn sgil astudiaethau achos, darlithoedd diwydiannol a phrosiectau ymchwil a noddir gan ddiwydiant.
• Cyfleusterau prosesu a nodweddu polymerau tra modern – ffracsiynu polymerau, gwasgaru golau, rheomedreg croeswasgu ac estynnol, dadansoddi thermol, allwthiad, llunio chwistrelliadau.
• Mae hwn yn llwybr ‘llamu disgyblaethau’ rhagorol i astudiaeth ddoethurol mewn maes sy’n ymwneud â pholymerau.
• Amgylchedd dysgu cefnogol mewn timau ymchwil sefydlog ac agwedd myfyriwr-ganolog at hyfforddi ac asesu.

Cyfleoedd gyrfaol

Mae’r cwrs yn darparu cyfleoedd gyrfaol rhagorol mewn ystod eang o sectorau diwydiannol. Gall graddedigion ddisgwyl cael swyddi ymchwil a datblygu mewn meysydd sy’n gysylltiedig â dyfeisiau biomeddygol, fformiwleiddio fferyllol, bwyd a diod, adfer petroliwm, agrogemegau, polymerau swyddogaethol/cemegau arbenigol, inc, paent a chaenau neu gosmetigion a chynnyrch gofal personol.

Mae’r cwrs hefyd yn darparu llwybr uniongyrchol i astudiaeth ddoethurol, i’r rheiny sy’n dymuno ymgymryd â hyfforddiant ymchwil pellach neu fynd ar drywydd gyrfa academaidd.

Cynnwys y cwrs

• Dulliau Dadansoddol II
• Dulliau Dadansoddol III
• Prosiect Ymchwil a Thraethawd Estynedig MRes

Modiwlau arbenigol

• Cemeg a Thechnoleg Polymerau Toddadwy mewn Dŵr
• Rheoleg a Phrosesu Systemau Macromoleciwlaidd

Asesu

Asesir Dulliau Dadansoddol trwy ymarferion datrys problemau llyfr agored ac arholiad ffurfiol nas gwelwyd.

Asesir Modiwlau Arbenigol trwy asesiad trafodedig a addasir i anghenion penodol myfyrwyr unigol, sydd wedi eu nodi mewn cytundeb dysgu. Mae asesiadau mynegol yn cynnwys adolygiad beirniadol o lenyddiaeth sy’n ymwneud â modiwl, gwaith ymarferol mewn labordy (cyfosod polymerau, prosesu neu ddadansoddi offer), cyflwyniadau poster a chyflwyniadau llafar. 

Edrychir ar y prosiect ymchwil yn gyfan gwbl trwy arholiad viva voce ym mhresenoldeb arholydd mewnol ac allanol.

Gofynion mynediad

Gradd gyntaf dda yn y gwyddorau ffisegol, gwyddor defnyddiau, peirianneg cemegol neu ddisgyblaeth gysylltedig neu brofiad cyfatebol mewn diwydiant sy’n ymwneud â pholymerau.  

Hyd y cwrs

Llawn amser: 1 mlynedd
Rhan amser: 2-3 blynedd